எண்ணிப் பார்த்து செலவு
செய்ய தூண்டும் வெளிநாடு
எண்ணம் போல் செலவு
செய்யத் தூண்டும் தாய்நாடு
வெளிநாட்டிலே உடல்
தாய்நாட்டில்தான் உள்ளம்
வெளிநாட்டில் உழைப்பு
தாய்நாடுதான் நினைப்பு
வெளிநாட்டில் வசதியாய் வசிக்கலாம்
தாய்நாட்டைப்போல் சுதந்திரமாய் வாழமுடியாது
தாய்நாட்டை
தாங்க வேண்டியதில்லை
தாக்காமலும் தாழ்த்தாமலும்
இருந்தாலே போதும்
வசித்துவிட்டு வந்துவிடுங்கள்
வாழ்வுதந்த சொர்க்கத்திற்கே !
பணம் சேர்ப்பதற்க்காக
பாசத்தை பிரிந்து செல்கிறோம்
பொருள் சேர்ப்பதற்க்காக
பந்தத்தை பிரிந்து செல்கிறோம்
பணமும் பொருளும்
பொறுமையாய் புரட்டியபின்
பிறப்பிடம் புகுந்திடையில்
பெற்ற பிள்ளைகள்
மழலைசொல் மாறியிருக்குமே
அதை
யார் புரட்டித் தருவார்
ஒய்யாரமாக ஊர்வலமாய் உலாவந்த
காலம்மாறி
ஒத்தையிலே ஒர் அறையில் தனிமையில்
வாடவேண்டி வெளிநாடு வந்திருக்கோம்
தாய் தந்தையரை தனிந்திருக்கோம்
பொஞ்சாதி பிள்ளைகளை பிரிஞ்சிருக்கோம்
இக்கரைக்கு அக்கரை பச்சை
என்று நம்பி சென்றோம்
சென்ற பின்னே புரிந்தது
அக்கரைப் புல் சுமையானது
இக்கரைப் புல்லே சுவையானது
அயல்நாட்டை நாடி நாம்சென்றோம்
அயல்நாடு இருகரம் கூப்பி வரவேற்றது
தாய்நாட்டை நாடி நாம்வருகையில்
நம்நாடு இதயம் கூப்பி வறவேற்கும்
உணவு
உள்ளத்தை நிரப்பிய காலம் மாறி
உடலை மட்டுமே நிரப்பும்
உள்ளவர் போய் சேர்ந்தால்
கடைசியாக முகம் பார்க்கமுடியாமல்..
இருப்பவர்க்கு திருமணமென்றால்
அருகிலிருந்து அட்சதை தூவமுடியாமல்
தொலைதூரத்தில் தொலைத்துவிட்ட
துயரத்தையும் சந்தோஷத்தையும்
தொலைக்காட்சியில் தெரிந்து கொள்கின்றோம் !!
01 - தாயக தாகம் | Upload Music
