பிரயானத்தில்

பின்னோக்கின் மலைத்தொடர்
பார்த்து அதை மலைத்தவன்
ஆனேன்

முன்நோக்கின் மாந்தோப்பு
பார்த்து அதை மகிழ்ந்தவன்
ஆனேன்

பாதையெங்கும் புங்கை மரம்
முற்றங்களில் மூங்கில் கொல்லைகள்
பர்லாங்குக்கு பர்லாங்கு பாலங்கள்
வழியெங்கும் வயல் வெளிகள்

வரிசையாய் வாழைக் கொல்லைகள்
நடப்பட்ட நாற்றாங்கால்

குளத்தில்
குதித்தாடும் கெண்டை
வளைந்தாடும் வாத்து

கண் தொடுகிற இடமெங்கும்
தென்னந் தோப்பு
வான் பார்த்த இடமெங்கும்
வெண் மேகம்
மண் பார்த்த இடமெங்கும்
மயில் கூட்டம்

கரும்பு தோட்டம்
வேலியை சுற்றி
மழலையர் கூட்டம்

வானத்தில் வெண்நாராய்
வரப்பில் வனப்பு மகளிர் !